鯉魚門渡假村(日營)

成員:
(牧師,師母,慧卿姐,樂哥,我,Kitty,Grace,Jacky,Joe,Simpson,四哥,四嫂,Eva,Anka, Dickson)

一早8點幾去到筲箕灣,同Kitty,Grace,Jacky,Joe一齊食咗個早餐,之後搭穿梭巴士入去,第一樣嘢就係玩射箭,之後係桌球,跳舞,手工,食飯,繩網,最後一個遊戲由樂哥帶集體遊戲完結今日行程,然後大家一齊搭穿梭巴士番筲箕灣食「王林記」粉麵,最後大家分道揚鑣.

我同Kitty,Grace,Jacky就番咗教會玩「紙牌大富翁」,竟然比第一次玩嘅Kitty贏咗,好嘢,有我風範!

之後我哋去咗太古城大食代食鐵板燒,勁熱氣,所以最後去咗健康工房食龜苓膏下火清熱,之後大家各自返歸!

今日我覺得好開心,雖然時間短暫,但我會好珍惜,因為凡事唔係必然,將一切榮耀歸予 神.

射箭

桌球

手工

繩網

繩網後

繩網後集體相

集體遊戲

第一次玩「紙牌大富翁」嘅Kitty贏咗

Jacky兜龜苓膏

今晚係開心嘅一夜,因為夥伴聽日生日,今晚難得佢抽到時間比我哋約.

唯一可惜少咗一個,其實簡單D講,因為我想大家一齊齊上齊落,而且,以後見到面或者可以同檯食飯嘅時間可能已經唔多,所以我先至咁在乎.不過,唔緊要啦,我知道大家都有自己嘅原因同埋難處,我唔會再勉強架喇!

今夜嘅飯前祈禱令我感動,動容......

你知道嗎?當聽到你嘅感恩可以識到我哋,我個心同時都話比自己聽,更加要感恩嘅,其實應該係我,因為一直以嚟我都得到你地嘅包涵、寬恕、忍耐!

幸福嘅人係我至真!多謝你哋呀,我嘅好夥伴!

刪除了昨晚那遍不榮神益人的Diary,

我一直以來是我太執著、太蠻、太霸度,忽略左弟兄姊妹的諗法...心態...感受......

不明白到,有些東西,過去了就是過去了......

對不起!

今日係西支17週年紀念,崇拜後大家都留步舉行咗一個簡單而隆重嘅慶祝活動,小弟有幸被邀請做攝影師,特意向Jacky借用咗單鏡反光相機,因為大家嘅動作太快,連停低幾秒影張相嘅時間都冇,所以一定要搵部影得快嘅相機.
 
其實,我都好想有一部單鏡反光相機,咁就可以影多d靚相,不過......
 
希望幫到大家影到靚相啦(影得唔好請包涵!)......蛋糕好靚好靚,又大又重!
 
其實最要多謝嘅係一班無私付出幫手嘅弟兄姊妹,冇你地根本就唔成事喇......
 
希望下一個堂慶(18週年),我地可以喺屬於自己地方過啦,大家要努力,記住唔好得個講字而唔去做呀!

今日因為Project嘅關係,去咗喺中環Starbucks全新概念店,一間具50-70年代香港冰室情懷嘅Starbucks......

當中嘅創意食品包括咖啡蛋撻,厚切菠蘿油,咖啡雞尾包......

未去過嘅不妨去一次,不過,會好迫,好彩就等到位......

詳情瀏覽以下網址:
http://www.coffeeconcepts.com.hk/bingsutt/cn/bingsutt.asp